FC Bumbi vs miroslav

Tuesday, 12. February, 2013

FC Bumbi tók á móti fc miroslav í sunnudagsþynnku. Menn voru því misvel undirbúnir fyrir leikinn og þá sérstaklega Lebowski en klósettið heima hjá honum hafði brotnað í partýi kvöldið áður og var því að drulla á sig þegar á völlinn var komið. Fritzl ákvað að ljúga því að hann hafði snúið sig á ökla og lá því á varamannabekknum allan leikinn drekkandi frían bjór. Dómarinn flautaði til leiks og sá Bumbi fljótlega að markmaður miroslav hafði gleymt að skyrpa í hanskana sína því hann hélt engum boltum. Bumbi byrjaði þá að B-O-B-A á markið það skilaði sér í nokkrum góðum færum.

Það var þó Lebowski sem skoraði gullfallegt mark eftir 13 og hálfa mínútu. Staðan 1-0 og Fritzl orðinn vel í því.
Bjórpása var því tekinn og skoraði þá miroslav eitt mark. Adam var þó ekki lengi í paradís. String-Emil eða Kjötið eins og hann er venjulega kallaður, kallar ekki allt ömmu sína og sýndi hvar Davíð keypti ölið þegar hann sýndi mikla baráttu og skoraði eftir að hafa kjötað 4 menn útaf vellinum.

Staðan orðin 2-1 og Doktorinn búinn að ná 6 undirskriftum.

fans

Það er mjög óljóst hvenær það var hálfleikur en hann var mjög fjörugur. Strax í byrjun seinni hálfleiks skokkaði leikmaður miroslav á vegg og var vel þunnur fyrir og byrjaði því að æla. Lebowski gaf honum bjór og lagaðist hann allur við það. Boðskapur þessara litlu sögu er sá að ekki skal blanda hvítvíni við skot og fjóra bjóra.
Afþví að Bumbi er mjög hjálpsamt fótboltafélag þá tóku nokkrir sig til og hjálpuðu honum að æla. Golíat hélt í hárið á honum á meðan Fabio ýtti á magann. Skoruðu miroslav þó tvö mörk á meðan á þessu stóð.

Staðan 3-2 fyrir miroslav en ennþá nóg eftir. Sparkaði því Speedo fram beint á Lebowski sem vippaði léttilega yfir markmanninn og fagnaði með því leyfa Skara að tromma á sér bumbuna áður en hann faðmaði Redrum.

Staðan 3-3 og Alkinho orðinn ólmur í að fara fram. Fékk hann að fara yfir miðju til að taka eitt stykki aukaspyrnu. Sparkaði hann boltanum í fallegum boga inní teig þar sem mikið basl var á mönnum áður en hann barst útí teiginn þar sem Speedo tók við honum og skoraði. Allt trylltist á vellinum, allir sem berbrjósta gátu verið skelltu sér úr og dómarinn flautaði til leiksloka.
Bumbi með annan sigurleikinn í röð og veðbankarnir búnir að borga þeim sem sögðu að þeir myndu halda sér uppi í deildinni.

Sturtað var í sig eftir leik enda þunnur sunnudagur.

Út og Inn
Snigillinn

Leikir | 9,118 Ummæli »

FC BUMBI vs gosarnir

Friday, 8. February, 2013

FC Bumbi tók á móti Gosunum á fallegu miðvikudagskvöldi. Veðrið var eins og taflborð maður vissi aldrei hvar maður gæti flogið á hausinn. Bumbinn kom gríðarlega vel stemmdur til leiksins. Speedo leyfði reiðinni að gossa fyrir leik og skilaði það sér gríðarlega vel í leiknum. Lebowski teygði á vöðvum sem menn vissu ekki að væri til og Dreifarinn bauð uppá jólabjór.

Dómarinn flautaði til leiks og Bumbi var ekki lengi að ná yfirhöndinni. Bumbi var vaðandi í færum og var Bumbi bara of ölvaður til að nýta færin. En fyrsta markið var þó ekki lengi að koma þegar fallegur maður átti skot á markið sem Dr.Kriss fylgdi vel á eftir og lagði boltann uppí þaknetið.

Staðan 1-0 og þetta ekki það síðasta sem maður heyrir af Doktornum. Því aðeins nokkrum mínútum seinna brunaði Doktorinn í gegnum teginn en var tekinn niður og dómarinn ekki lengi að dæma eitt stykki víti. Føroyingurin hefur vítaskytta Bumbans uppá síðkastið áður en hann ákvað að skella sér til Danmerkur í Pup Quiz skóla. Þá var ekki annað en að leyfa Doktornum að tryggja tvennuna og gerði hann það þó nokkuð örugglega.

joi

Staðan orðin 2-0 og Fingerinho búinn að taka af sér gifsið. Flautað var þá til hálfleiks.Hóký Póký bjór pissupása og almenn skemmtileg heit voru tekinn áður en seinni hálfleikur byrjaði.

Skari hefur verið grimmur að skora mörkin uppá síðastið fyrir aftan 40 metrana. Hann færði sig töluvert nær markinu og átti hann nokkuð góð skot en virðist skora frekar eftir því sem færið sé erfiðara. Það er ekki það sama uppá tengingnum hjá Redrum en þrátt fyrir góða baráttu og almennt góðan leik fannst honum ekki sanngjarnt að Doktorinn væri að skora öll mörkin og ákvað að skella í eitt sjálfsmark.

Alkinho hafði ákveðið að fara útúr markinu í hálfleik en fékk það ekki og ákvað því að sýna sín mótmæli með því að drekka 4 bjóra í 12 teigum á meðan Gosarnir skoruðu eitt í viðbót.

Staðan orðin 3-2 fyrir Bumbanum og Rubberlegs London Pride loksins kominn inná og búinn að jafna sig af sunnudagsþynnku en þó ekki fyrr en hann var búin að æla yfir sjúkraflutningamann sem stóð þarna sem áhorfandi.

Dómarinn flautaði fljótlega til leiksloka og stórkostlegur sigur Bumbans staðreynd. Ljósmóðirin fagnaði með að skella í eitt nektarhlaup í kringum völlinn.
Bumbi fagnaði því frameftir nóttu á barnum með bjór,skotum og almennri vitleysu.

Út og Inn
Snigillinn

Leikir | 31,359 Ummæli »

FC Bumbi vs fc mahou

Thursday, 10. January, 2013

FC Bumbi tók á móti fc mahou á fallegum miðvikudegi, skammdegisþunglyndið hafði runnið af mönnum og mátti sjá bros á vörum margra þegar þetta hljóð heyrðist.

Voru Bumba menn því gríðarlega tilbúnir í leikinn þegar dómari leiksins flautaði til leiks. Bumbi byrjuðu virkilega rólegir á boltanum í byrjun og létu boltann bara ganga létt á milli þangað til þeir misstu hann frá sér og skoruðu því machou tvö mörk en ekki var öll nótt úti enda kvöldið bara rétt að byrja. Bumbi hafði keypt sér „Slurm“ fyrir leikinn og má segja að það hafði gefið mönnum gífurlega orku þó að eins hafi verið um að ræða landa sem Lebowski hafði keypt í undirheimum neðra Breiðholtsins.
Eftir að allir leikmenn höfðu fengið sér sopa mátti sjá mikla breytingu. Bumbi komst í sókn, Dr.Kriss skaut föstu skoti á markið sem var rétt varið en að sjálfsögðu fylgdi Speedo vel á eftir og potaði boltanum inní markið.

(more…)

Leikir | 13,112 Ummæli »

FC Bumbi vs sveinþór

Thursday, 6. December, 2012

FC Bumbi tók á móti Sveinþóri í stærsta leik ársins. Veðrið var stórkostlegt með dass af blautum draumum. Fenginn var almennilegur dómari til að dæma þetta enda mikill hiti í mönnum að vinna þennan leik. Leikurinn byrjaði með miklum krafti og fengu Bumbi mörg stórkostleg færi en talið er að mörkin hafi verið færð fyrir leik enda mjög furðulegt að Bumbi skuli ekki hitta á markið. Dómari leiksins var klárlega yfir pari og dæmdi þennan leik ágætlega miðað við ungan aldur og fyrri störf. Hann var einn af fáum dómurum sem kunni að meta bjórboð Bumbans og sippaði í sig nokkrum sopum. Það var þó því miður á sama tíma og boltinn fór af einhverjum ástæðum inn í mark Bumbans og dæmdi hann því mark.

Bumbi búinn að lenda undir en sjaldan fellur róninn langt frá flöskunni og var Bumbi ekki lengi að refsa næstum því þegar stórkostlegt skot String-Emil lenti í stönginni. Nýr limur Bumbans sem við skulum kalla kastaníubrúnhærðurdrengur tók frumraun sína snemma í fyrri hálfleik og sýndi að hann kallar ekki allt ömmu sína þegar hann kjötaði mann og annan áður en hann frétti af opnum bar hjá mini market á hliðarlínunni og var ekki lengi að skella sér þangað. Dómarinn flautaði til hálfleiks og voru Bumba meðlimir ekki lengi að joina og hella í sig nokkrum skotum að nýbrugguðum klósettlanda.

Það má segja að þessi klósettlandi hafi haft stórkostlega hluti á Bumbann því í byrjun seinni hálfleiks komst Bumbi í stórkostlega sókn þegar Alkinho gaf á Mistrið sem gaf á Ljósmóðurina sem gaf á Dreifaran sem gaf á Fingerinho sem gaf á Speedo sem gaf á Skara sem skoraði með auðveldu skoti. Stórkostleg sókn og staðan orðin 1-1. En má þá minnast á það að síðasti leikur þessara liða endaði með 0-0 jafntefli en hefur það aldrei gerst áður í deildinni.

barinn

Klósettlandinn var þó byrjaður að setja í gang meltingartruflanir hjá Bumbanum og skoruðu Sveinþór því í autt markið þegar Alkinho lá í fósturstellingunni ælandi á hliðarlínunni. Dómarinn fannst þá komið nóg af þessu og flautaði leikinn af.

Sveinþór gerðust síðan það skemmtilegir og mættu á barinn með Bumba og kunnum við virkilega að meta það.

Út og Inn
Snigillinn

Leikir | 10,115 Ummæli »

FC Bumbi vs laugar fc

Wednesday, 17. October, 2012

FC Bumbi tók á móti Laugar FC í Ghettóinu í gær og má segja að það hafi verið margt um manninn. FC Bumbi komu gríðarlega sterkir til leiks með yfir 17 varamenn og þá átti eftir að telja áhorfenduna sem voru vel yfir 7. Virkilega góð stemming var í hópnum enda fyrsti leikur vetrar.

Dómarinn hafði varla flautað í flautuna sína þegar Fritzl hafði potað boltanum inní markið af stuttu færi eftir að hafa sýnt gífurlega leikni með boltann. Staðan strax orðinn 1-0 fyrir FC Bumba og fyrsta mínútan varla á enda. Eitthvað sem svo sem allir höfðu búist við. Fritzl þurfti þó fljótlega skiptingu enda meiddur í vinstra nýranu eftir síðustu helgi. Þá kom inná maður sem er með hæðarmismun uppá 1,6 metra miðað við Fritzl, jafn kjötaður og String-Emil og með jafn vel þvegið hár og Fabio. Já þetta er hann Bjössi aka Stjáni. Nicknameið hans verður upplýst síðar. Hann átti stórkostlegan leik þarna frammi og vann má segja öll skallaeinvígi sem hann fór uppí sem voru því miður enginn fyrir hann í þessum leik. Bumbi lendir þó í því að fá sig mark sem margir héldu að Djöfullinn hefði skorað en svo var ekki því hann var ennþá á varamannabekknum.

(more…)

Leikir | 2,596 Ummæli »

FC Bumbi vs prins valiant

Tuesday, 8. May, 2012

FC Bumbi tók á móti Prins Valíant í fyrsta leik Gull-deildarinnar. Bumbi hafði verið að recruta menn útum allan bæ og eftir strangar æfingar síðustu daga sem fóru flestar fram á barnum. Var bjórbumban orðin helvíti góð á mönnum og þolið skítsæmilegt. Fyrir utan kannski Lebowski aka Annie Mist aka huggy the bear sem hefur bætt gríðarlega þolið sitt síðustu mánuði. En veðrið lék við menn og vantaði bara að pumpa í boltann svo að leikar gætu hafist. Til allrar hamingju var Dreifarinnn á svæðinu og náði að pumpa vel í menn fyrir leik.

(more…)

Leikir | 2,508 Ummæli »