3. Umferð (FC Gettó)

Kæru Félagar og Áhangendur

Nú erum við búnir að æfa og spila í Gettóinu í tæpt ár en það er núna fyrst sem við munum spila við heimamenn. Enn sem komið er höfum við unnið einn og tapað einum í deildinni sem er sama byrjun og í Vetrardeildinni. Þó held ég að okkur muni ganga betur í sumardeildinni, ég vil taka það fram að það hefur ekkert að gera með það að Formaður vor mun spila mjög fáa jafnvel engann leik í sumar.

FC Gettó

Carlsbergdeildin 2006
2 leikir 2 sigrar 0 jafntefli 0 töp

1. umferð 2-1 gegn KF Adriano
2. umferð 4-3 gegn FC Grettir

Markatala 6-4
3 mörk skoruð í leik
2 mörk fengin á sig í leik

Bikarinn

64. liða úrslit 2-4 gegn KF Frómas

FC Gettó eru því búnir að vinna báða sína leiki í deildinni en þó líkt og við tapað bikarleiknum sínum. Ég er ekki viss hversu góð liðin eru sem þeir kepptu á móti en FC Grettir hefur tapað báðum sínum leikjum og KF Adriano hefur tapað einum og gert eitt jafntefli. Að þessu gefnu myndi ég halda að við værum að mæta jafnokum okkar og þar af leiðandi ættum við góða möguleika að vinna þennan leik.

Það er vonandi að við sjáum sem flesta á vellinum óleikhæfa leikmenn jafnt sem áhangendur til þess að styðja við bakið á FC Bumbi. Ef þið komist ekki endilega kíkið á Live síðuna en þar verður leikurinn sýndur í beinni.

Mín spá 1-0

Yfir og Út

Føroyingurin

p.s. Veit ekki alveg afhverju ég er að skrifa þessa upphitun þar sem Siggi Bahama þekkir meira og minna alla leikmenn FC Gettó.