FC Bumbi vs Bananar

FC Bumbi mætti Bönunum á miðvikudaginn. Kalt var í veðri og snjóaði fyrir leik, sem þýddi að mikinn bjór þurfti í mannskapinn til að halda á sér hita. Djöfullinn hafði verið búinn að espa Banananana upp og komu þeir því sterkir til leiks. Til að kveikja upp í leikmönnum voru allir skyldugir til að sjá blátt eista Ljósmóðurinnar eftir það gat leikurinn hafist. Leikurinn byrjaði af krafti og komust bananarnir í 0-2 eftir tvö mjög óspennandi og óþarfa mörk. En var þá komið að Bónernum að komast í hóp fallegra manna með hreint mögnuðum snúning fyrir utan teig sem endaði stönginn inn. Staðan orðinn 1-2 og áhorfendur fóru að taka við sér sem voru auðvitað allir á bandi FC Bumba.

Føroyingurinn tók þá að sér að klára hlut sem við höfum verið latir við í síðustu leikjum með því að leggja boltann auðveldlega í hornið þar sem Alkinho átti engan möguleika að verja. Bananarnir voru mættir til leiks í grænum náttfötum og það greinilega truflaði leikmenn því þeir bættu síðan við fjórða markinu. Staðan 1-4 og u.þ.b. 11 mínútur búnar. Það sem eftir lifði fyrri hálfleiks komst vörn og sókn hjá Bumbanum í gang og áttu við í engum vandræðum með að halda boltanum frá báðum mörkum og þá sérstaklega formaður vor sem sýndi oft á tíðum takta sem mætti líkja við Carlos Valderrama þegar hann gjörsamlega labbaði framhjá hverjum manninum á fætur öðrum. Í hálfleik eftir að hafa tekið gott Hókí Pókí var ákveðið að núlla skyldi fyrri hálfleikinn og FC Bumbi því með góða stöðu að vinna leikinn.

FC Bumbi hefur verið á stöðugri siglingu eftir 2 sigurleiki í síðustu tveimur leikjum og sást það að eldmóðurinn slökknar aldrei. Strax í byrjun seinni hálfleiks lét 2 metra maðurinn sig falla innan teigs ekkert dæmt en Moonerinn var ekki lengi að átta sig og skoraði fallegt mark. Staðan orðinn 1-0 í seinni hálfleik og mikill fagnaðarlæti brutust út og sannkölluð sambastemming var á áhorfendapöllunum. Eftir þetta mark setti Alkinho bjórinn á jörðina og byrjaði að verja eins og SÁÁ væri á eftir honum eða eins og haft er eftir fotbolti.net „næsti Rene Higuita,hreint ótrúlegur leikmaður“.

Flautað var síðan til leiksloka og sigur hjá FC Bumbi í seinni hálfleik staðreynd eftir tíðindalausan fyrri hálfleik. Maður leiksins er eftirsóttasti maður carlsbergdeildarinnar enda hefur hann verið að fá fjölda gylliboða en ekkert lið hefur þó efni á þessum bráðefnilega drykkjumanni sem varði yfir 17 markskot bananamanna í þessum bráðskemmtilega leik.

FC Bumbi vill þakka Bönunum fyrir skemmtilegan leik og krefst þess að fá rematch þar sem Bumbinn mun vinna báða hálfleika.

Inn og út
Snigillinn (Speedo)