FC Bumbi vs Prins Valíant

FC Bumbi átti leik við engann annan en Prins Hárfagra Valíant sem var útlægur prins frá bænum Thúle og ákvað að kíkja uppá Leiknisvöll og taka einn leik við Bumbann. Þegar búið var að koma upp myndavél og netsnúru sem er á við 69 limalengdir Bumbaleikmanna gat leikurinn hafist.

Bumbi sótti grimmt og varðist vel en varð allt í einu jafn gleiður og portkona í Amsterdam og nýtti Pottaklippti fermingardrengurinn sér það og skoraði mark. En eins og segir í kvæðinu betri er einn bjór í maga en tveir í hendi og kom Bumbinn tvíefldur til baka en ákváðu samt að taka hálfleik fyrst. Galdur var fyrstur til að panta að fá að skora og gerði hann það mjög snyrtilega eftir gott spil. Staðan orðin 1-1 og lömbin þögnuðu.

Eftir þetta mark varð leikurinn gríðalega spennandi og má segja að það eina sem vantaði væri Fabio með vindvél og ber að neðan til að fullkomna þennan leik. En þar sem hann var ekki á staðnum náði Prinsinn að skora 3 mörk á stuttum tíma og er það aðallega að kenna því að sjaldan fellur flaskan langt frá Bumbanum.

Þó nokkur skemmtilega atvik áttu sér stað í þessum leik þar á meðal þegar Alkinho byrjaði að taka aukaspyrnur, fólk byrjaði að poppa til horfa á þessa snilld því eitt af skotum hans af 40 metrunum endaði á að fara á markið en inn vildi boltinn ekki. Dómarinn flautaði til leiksloka og áhugaverður leikur á enda þar sem annað liðið ákvað að skora fleiri mörk en hitt.

Út og Inn
Snigillinn