Miroslav vs. Bumbi – Episode 2

FC Bumbi tók boði FC Miroslav um æfingarleik. Mæting var frekar slöpp og vorum við mættir 8 sem endaði í 7 eftir að Gaylord hafði náð að eyðileggja á sér ökklann og það ekki í fyrsta skipti. Var spilaður skemmtilegur fótbolti allan tímann og létu færin ekki á sér standa.

Skemmst er þess að minnast að Speedo skoraði öll mikilvægustu mörkin í þessum leik, tvö í mark mótherja og eitt óverjandi fyrir Fabio í markinu. Miroslav áttu í litlum vandræðum með að skora nokkur mörk en voru þau flest þegar FC Bumbi tók markmannskipti. Þol FC Bumba manna var ekki mikið og skrifast það á bjórskort sem varð í byrjun seinni hálfleiks.

Var ákveðið að taka vítaspyrnukeppni vegna gríðalegrar óvissu um úrslit, Byrjaði hún gríðalega vel þar sem örugg víti voru í fyrirrúmi.Þar til arsenal maður sem Bumbi hafði fengið í láni frá Mosfellsbæ klúðraði, en kom það ekki að sök því Skari varði frábærlega þar á eftir. En var þá komið að einkasýningu hjá Bónernum en hann hefur ekki nýtt víti síðan ´95 þegar stelpa sem var 3 árum yngri en hann var í markinu. Bónerinn kom sá og sigraði með frábæru víti sem markmaður Miroslav varði auðveldlega og ósigur staðreynd. Bumbamenn vildu samt meina að þeir hafi unnið þennan leik 2-1 og varð Miroslav bara að sætta sig við það.

Út og Inn
Snigillinn(Speedo)